Сербия терма жамоаси ва Туриннинг “Ювентус” клубининг марказий ҳужумчиси Душан Влахович фаолиятини Испания чемпионатида давом эттирмоқчи.

Goal.com портали маълумотига кўра, 22 ёшли тўпурар ўз хизматларини "Реал"га таклиф қилган. Душан 35 ёшли франциялик Карим Бенземани ўрнини босишга тайёр.

Влахович "Кекса синьора" сафида 2022 йилнинг январидан буён ўйнаб келмоқда. Душаннинг Турин гранди билан шартномаси 2026 йилнинг ўрталарига қадар тузилган. Унинг трансфер нархи 80 миллион еврога баҳоланмоқда.

Италия чемпионатининг жорий мавсумида ҳужумчи ўнта ўйин ўтказиб, олтита гол урди ва битта голли узатмани амалга оширди.