Ҳаммаси 1 январь куни бошланди. Испания оммавий ахборот воситаларида Дани Алвеснинг янги йилга қандай тайёргарлик кўргани ҳақида турли хил хабарларни тарқатди. Каталония полициясига бир қиз ариза билан мурожаат қилган ва 30 декабрь куни тунги клубда бразилиялик футболчи унга тегажоғлик қилмоқчи бўлганини айтган.

Бир неча кундан кейин Алвес барча айбловларни рад этди. Аммо тергов давом этди. Антена3 хабарига кўра, Алвес зўравонлик айбдори сифатида ҳибсга олиниши мумкин. Суд эса тергов жараёнида унга нисбатан эҳтиёт чорасини танлайди.

Тунги клубда нима бўлган эди?

1 январь куни ABC портали полицияга мурожаат қилган қизнинг кўрсатмалари тафсилотларини эълон қилди. Унинг сўзларига кўра, Каталониядаги зиёфатда Алвес бегона қизга тегина бошлаган. Қиз бу ҳақда ўртоқларига айтган ва улар аввал қўриқчиларга, кейин полицияга мурожаат қилишди.

АBC манбаларининг таъкидлашича, хавфсизлик хизмати воқеа ҳақида маълумот олганида, қиз ва унинг дўстлари хавфсиз жойга кўчирилган ва тез орада полиция клубга етиб келган. Бироқ воқеа содир этгани тахмин қилинаётган шахс ўша вақтга келиб муассасани тарк этган. Ўша куни Алвеснинг атрофидагилар АBC орқали таъқиблар фактини рад этишди. Уларнинг хабар беришича, футболчи ҳақиқатан ҳам қисқа вақт давомида клубда бўлган, лекин ҳеч кимни хафа қилмаган.

5 январь куни Алвеснинг ўзи баёнот берди:

“Ҳа, мен ўша жойда бошқа одамлар билан бирга бўлганман ва бундан завқланганман. Мени таниганлар рақсга тушишни яхши кўришимни билади. Мен бошқа одамларнинг шахсий ҳудудига кирмасдан рақсга тушдим, завқландим. Бу аёл кимлигини билмайман.

Мен ҳеч қачон бировга тажовуз қилмаганман. Мен буни қиз ёки аёл билан қандай қила оламан? Йўқ, тавба қилдим”, - деган футболчи.

Алвеснинг рафиқаси эри билан бирдам. Аммо бунинг оқибатидан унчалик ташвишланмайдиганга ўхшайди

Аntena3 хабарига кўра, 20 январь куни Алвес полиция бўлимига сўроқ учун келиши керак. Шундан сўнг у ҳибсга олиниши мумкин. Суд эса унга нисбатан эҳтиёт чорасини танлайди.

Нашрнинг ёзишича, терговда Алвес бир неча қиз яқинлашгани акс этган видеоёзув мавжуд. Шундан сўнг, ўйинчи ва улардан бири ҳожатхонага боради. Видеонинг бошқа тафсилотлари номаълум.

Қизиғи шундаки, давом этаётган жараён туфайли Алвес “Пумас “га қайта олмайди. Жамоа маҳаллий лиганинг кучли ва асосий ўйинларини, асосий юлдузисиз ўйнайди.