Дортмунднинг “Боруссия” клуби ярим ҳимоячиси Марко Ройс кейинги мавсумда фаолиятини Англия Премьер-лигасида давом эттириши мумкин. Журналист Кристиан Фалкнинг ёзишича, футболчининг агенти яқинда “Манчестер Юнайтед” бош мураббийи Эрик тен Хаг билан учрашган.
Мавсум охирида Ройс эркин агентга айланади, 33 ёшли германиялик "Манчестер Юнайтед" учун жуда жозибали вариант. Шунга қарамай, Марконинг Дортмунднинг "Боруссия"си билан муддати тугайдиган шартномасини узайтиришини инкор этмаслик керак.
Ройс Германия Бундеслигасининг жорий мавсумида иккита гол урди ва иккита голли узатмани амалга оширди.
