"Реал Мадрид" ўтган йили ҳужумчи Эрлинг Холандни сотиб олишга даъвогар клублардан бири эди. Мадридликлар пойгада ютқазди – норвегиялик футболчи “Манчестер Сити”ни танлади.

"Қаймоқранглилар" жамоаси Холанд трансферидан воз кечгани ҳақида хабарлар бор эди. Бироқ, "Реал Мадрид" норвегиялик футболчини қўлга киритишни режалаштирмоқда. Бу ҳақда АS ўз саҳифаларида айтиб ўтади.

Манбага кўра, "Реал Мадрид" Эрлинг Холандни 2024 йилда сотиб олишни кутмоқда. Шунда “қаймоқранглилар” футболчини 180 миллион еврога сотиб олиш вариантини амалга ошириш имкониятига эга бўлади.

Эрлинг Холанд “Манчестер Сити” сафида 25 та ўйинда майдонга тушди. Уларда ҳужумчи 28 та гол урди ва 3 та голли узатмани амалга оширди.