"Барселона" бош мураббийи Хави Эрнандес "Атлетико Мадрид"дан Янник Каррасконинг трансфери борасида ўз фикрлари билан ўртоқлашди.

Хабарингиз бор, Каталония клуби белгиялик вингерни сотиб олиш бўйича имтиёзли вариантга эга, уни "Барселона" илтимосига кўра фаоллаштириш мумкин. Ушбу имконият Мемфис Депайни сотиш бўйича келишув доирасида "Атлетико" билан келишилган.

"Клуб Карраскони сотиб олиш вариантини келишиб олди. Келинг, буни ёзда ишлатамизми ёки йўқлигини билиб олайлик. Ҳаммаси кўп омилларга боғлиқ бўлади, шу жумладан бу мавсумнинг қолган қисмини қандай ўтказишимиз ва бизнинг позициямиз қандай бўлади. Биз доимо таркибни кучайтириш йўлларини қидирамиз, аммо лига қоидалари вазиятни мураккаблаштирмоқда", - деди Хави матбуот анжуманида.