"Кубань" клуби собиқ бош мураббий Леонид Азаренконинг айтишича, Юрий Красножан келажакда Россия термасини бошқариши мумкин.
"Мен Красножанни яхши биламан, у жуда кучли мураббий. Унинг "Локомотив" ва "Анжи"даги фаолиятида бўлиб ўтган ишлар - қанадйлир "ўйин"лар бўлган. Булар уни янада чиниқтирган, у жуда кучли характерга эга.
Унинг "юлдузлар" билан ишлай омаслиги ҳам "Анжи" клуби томонидан ўз қарорини оқлаш учун чиқарган "ўрдак"дир. Бу "Кубань" учун жуда яхши вариант, клуб узоқни кўзлаб иш тутди.
Ўйлайманки, икки йил ўтиб, Фабио Капеллонинг шартнома муддати тугаганидан сўнг, терма жамоани Красножан бошқарса керак.
У россиялик футболчиларни яхши билади ва уларнинг бир қанчасини "очган", масалан, "Анжи"да ишлаган вақтида Арсений Логашов ва Олег Шатовларни кашф қилди. У яхши методист, футболчилар билан яхши муомала қила олади ва улардан талаб қилишни билади" - дея Назаренконинг сўзларини келтиради "Р-Спорт".
