"Манчестер Юнайтед"нинг собиқ дарвозабони Петер Шмейхель "Арсенал" ҳужумчиси Ван Персининг ўтиши ҳақида фикр билдирди.
"Бу "Манчестер Юнайтед"нинг сўзсиз ютуғи. Аввал Манчестернинг икки клуби ўртасидаги рақобатда ким кучлилигини айтиш қийи бўлган бўлса, энди бемалол "МЮ"ни фаворит деб аташ мумкин.
Ван Перси келаётган мавсумда жамоага яхши натижалар кўрсатишига ҳисса қўшиши керак. У - дунёда тан олинган ўйинчи. Мен Робиннинг айнан "Манчестер Юнайтед"га ўтганидан жуда хурсандман.
Бу йигит кўплаб голлар уради, мен бунга мутлақ аминман. У бу ишни ҳар доим, ҳар ерда қилиб келган.
Энди "МЮ"да ақл бовар қилмас таркиби бор. Ўтган мавсум жароҳат ва дисквалификациялар сабабли омад келмади, бу сафар бундай сабаблар ҳам "МЮ"га ҳалақит бера олмайди", - дея Шмейхелнинг сўзларини келтиради talkSPORT.
