Испания чемпионатининг 18-тури доирасидаги ўйинда «Эспаньол» «Бетис»ни минимал ҳисобда мағлуб этди ва бу «тўтиқушлар» ҳужумчиси Мартин Брейтуэйтнинг юбилей ўйини учун ажойиб совға бўлди – у Ла Лига сафидаги 100-учрашувини ўтказди.
У ўз клубининг ғалаба голига муаллифлик қилди - бу Мартиннинг жорий чемпионатдаги учинчи голи бўлди.
Маълумот учун, Брейтуэйт бу кўрсаткичга эришган олтинчи даниялик футболчи бўлди: Бунгача Жон Лауридсен 272 ўйин, Микаэль Лаудруп 228 ўйин, Даниэль Васс 225 ўйин, Микаэль Крон-Дели (154 ўйин) ва Пьон Систо 110 та ўйинда майдонга тушган.
