Испания чемпионатининг 18-тури доирасида «Барселона» ўз майдонида «Хетафе»ни қабул қилиб, осон бўлмаган ғалабани қўлга киритди.

Майдон эгалари 35-дақиқада ҳисобни очишди. "Барселона" марказда тўпни олиб қўйиб, қарши ҳужумга асос солди. Рафинья чап қанотдан жарима майдони марказига етказган тўпга Педри биринчи бўлиб етиб келди ва дарвозани ишғол қилди.

Меҳмонлар эса дастлабки 45 дақиқаликда голга тортадиган хавфли вазиятлар яратишди. Тер Штеген икки марта қутқарган бўлса, бир вазиятда узатма ҳаддан ташқари кучли бўлгани учун ҳужумчи тўпни дарвоза томон буришга улгурмади.

Иккинчи бўлимда томонлар бехато ўйнашга интилишди. ЎЙин сўнгида Франк Кессиэнинг яқин масофадан йўллаган зарбасини "Хетафе" посбони қайтариб олди.

Шу тариқа, "Барселона" кичик ҳисобда ғалаба қозонди ва ўз очколарини 44 тага етказиб олди.

Испания Ла лигаси, 18-тур
Барселона – Хетафе 1:0 (1:0, 0:0)
Гол: 1:0 – 35 Педри.
Барселона – тер Стеген, Сержи Роберто (Алонсо, 77), Кристенсен (Эрик Гарсия, 46), Кунде, Бальде (Альба, 46), Бускетс, Педри, Гави, Дембеле, Рафинья (Кессиэ, 62), Фати.
Хетафе – Сория, Суарес, Джене, Дуарте, Альдерете, Иглесиас (Альварес, 84), Аленья, Милья (Сеоане, 84), Альгобия (Вильяр, 62), Майораль (Порту, 77), Унал (Латаса, 84).
Огоҳлантиришлар: Альдерете (44), Дембеле (68), Унал (82).