Ispaniya chempionatining 18-turi doirasida «Barselona» o‘z maydonida «Xetafe»ni qabul qilib, oson bo‘lmagan g‘alabani qo‘lga kiritdi.

Maydon egalari 35-daqiqada hisobni ochishdi. "Barselona" markazda to‘pni olib qo‘yib, qarshi hujumga asos soldi. Rafinya chap qanotdan jarima maydoni markaziga yetkazgan to‘pga Pedri birinchi bo‘lib yetib keldi va darvozani ishg‘ol qildi.

Mehmonlar esa dastlabki 45 daqiqalikda golga tortadigan xavfli vaziyatlar yaratishdi. Ter Shtegen ikki marta qutqargan bo‘lsa, bir vaziyatda uzatma haddan tashqari kuchli bo‘lgani uchun hujumchi to‘pni darvoza tomon burishga ulgurmadi.

Ikkinchi bo‘limda tomonlar bexato o‘ynashga intilishdi. O‘Yin so‘ngida Frank Kessiening yaqin masofadan yo‘llagan zarbasini "Xetafe" posboni qaytarib oldi.

Shu tariqa, "Barselona" kichik hisobda g‘alaba qozondi va o‘z ochkolarini 44 taga yetkazib oldi.

Ispaniya La ligasi, 18-tur
Barselona – Xetafe 1:0 (1:0, 0:0)
Gol: 1:0 – 35 Pedri.
Barselona – ter Stegen, Serji Roberto (Alonso, 77), Kristensen (Erik Garsiya, 46), Kunde, Balde (Alba, 46), Buskets, Pedri, Gavi, Dembele, Rafinya (Kessie, 62), Fati.
Xetafe – Soriya, Suares, Djene, Duarte, Alderete, Iglesias (Alvares, 84), Alenya, Milya (Seoane, 84), Algobiya (Vilyar, 62), Mayoral (Portu, 77), Unal (Latasa, 84).
Ogohlantirishlar: Alderete (44), Dembele (68), Unal (82).