Таиландда бўлиб ўтаётган бокс бўйича U22 Осиё чемпионатида бугун йигитлар ўртасидаги ярим финал жанглари бўлиб ўтмоқда. Куннинг биринчи ярмида 6та вазн тоифасида жанглар ўтказилди.

Унда 4 нафар ўзбекистонлик боксчи рингга кўтарилди. Ҳамюртларимиздан 3 нафар ғалаба қозониб, финал йўлланмасини қўлга киритди. Фақатгина 51 кг. вазндаги боксчимиз Муҳаммадқодир Мамиржонов мезбон спортчисига имкониятни бой бериб, бронза медали билан чекланди.

Жанглар давом этмоқда. Яна 7 нафар ватандошимиз ўзларининг ярим финал жангларини ўтказишади. Энг оғир учта вазнда эса бизни дерби кутиб турибди.

Натижалар:
-48 кг: Шодиёр Мелиқўзиев - Лестер Дуренс (Филиппин) - 5:0
-51 кг: Муҳаммадқодир Мамиржонов - Танарат Саенгпет (Таиланд) - 0:5
-60 кг: Дилшод Абдумуродов - Фидо Рафаэль (Индонезия) - 5:0
-63,5 кг: Шаҳбоз Юнусалиев - Аскат Култаев (Қирғизистон) - 3:2

Кейинги жанглар:
-67 кг: Бекзод Ҳамидов - Ихтиёр Нишонов (Қирғизистон)
-71 кг: Нурислом Исмоилов - Нурадин Рустамбек Уулу (Қирғизистон) (16:00 дан сўнг)
-75 кг: Аълохон Абдуллаев - Абдумалик Болтаев (Тожикистон) (16:40 дан сўнг)
-80 кг: Жасурбек Йўлдошев - Ерасил Жакпеков (Қозоғистон) (16:55 дан сўнг)
-86 кг: Шоҳжаҳон Абдуллаев - Нурсултан Болотбаев (Қирғизистон) (17:30 дан сўнг)
-92 кг: Нусрат Тоҳиров - Ерхат Бекзат (Қозоғистон) (18:00 дан сўнг)
+92 кг: Жаҳонгир Зокиров - Аманат Сабиргали (Қозоғистон) (18:30 дан сўнг)

*Жанглар вақти тахминан ва Тошкент вақти билан кўрсатилган.

Баҳслар орасида бўладиган нокаутлар ва танаффусга қараб вақтлар ўзгаради.