Британиянинг The Sun нашри хабарига кўра, Роналдунинг ўғли кичик Криштиану Маҳд академиясида ўзидан икки ёш катта футболчилар билан шуғулланади.
Роналду “Манчестер Юнайтед”дан “Ан-Наср”га ўтган, ўғли эса у билан бирга Саудия Арабистонига кетган. Аввалроқ, кичик Криштиану "Реал" академиясига қайтиши мумкинлиги ҳақида хабар берилганди, аммо ёш футболчи барибир отаси билан Саудияга йўл олишга мажбур бўлди.
Маҳд Академиясида Роналдунинг ўғли катта таассурот қолдирди. Кичик Криштиану ўзидан икки ёш катта футболчилар билан машғулот ўтказади.
Кичик Роналду шуғулланаётган спорт академияси Саудия Арабистонида 2020 йилда пайдо бўлган. Унинг очилишида Инфантино, Манчини, Ван дер Сар, Капелло ва Моуриньо шахсан иштирок этишганди.
Ҳозир афсонавий португалияликнинг ўғли 12 ёшда.
