Britaniyaning The Sun nashri xabariga ko‘ra, Ronalduning o‘g‘li kichik Krishtianu Mahd akademiyasida o‘zidan ikki yosh katta futbolchilar bilan shug‘ullanadi.
Ronaldu “Manchester Yunayted”dan “An-Nasr”ga o‘tgan, o‘g‘li esa u bilan birga Saudiya Arabistoniga ketgan. Avvalroq, kichik Krishtianu "Real" akademiyasiga qaytishi mumkinligi haqida xabar berilgandi, ammo yosh futbolchi baribir otasi bilan Saudiyaga yo‘l olishga majbur bo‘ldi.
Mahd Akademiyasida Ronalduning o‘g‘li katta taassurot qoldirdi. Kichik Krishtianu o‘zidan ikki yosh katta futbolchilar bilan mashg‘ulot o‘tkazadi.
Kichik Ronaldu shug‘ullanayotgan sport akademiyasi Saudiya Arabistonida 2020 yilda paydo bo‘lgan. Uning ochilishida Infantino, Manchini, Van der Sar, Kapello va Mourinyo shaxsan ishtirok etishgandi.
Hozir afsonaviy portugaliyalikning o‘g‘li 12 yoshda.
