"Андижон" футбол клуби расмий сайти бош мураббий Александр Аверьяновнинг истеъфога чиқарилганини расман маълум қилди.
"Клубимиз 16-турда «Шўртан» майдонида йирик ҳисобдаги мағлубиятга учради. Бу эса бош мураббий Александр Аверьяновнинг истеъфога чиқишига сабаб бўлди.
Россиялик мутахассис мавсум бошида «Андижон»ни қабул қилиб олганида мухлисларнинг ундан умиди катта эди. Афсуски, кетма-кет мағлубиятлар жамоани турнир жадвалида охирги ўринга тушириб юборди. Охирги марта эса 10-турда «Қизилқум» майдонидан ғалаба билан қайтишганди.
Иккинчи даврада вазият ижобий томонга ўзгариши кутилганди. Бироқ ўз майдонида «Навбаҳор»га 0:1 ҳисобида ютқазиб қимматли очколардан маҳрум бўлди. «Шўртан» билан ўйиндаги натижа эса ҳаммасидан ошиб тушди. Шу сабабли «Шўртан»га қарши учрашувдан сўнг россиялик мураббий ишдан бўшатилди", дея ёзади www.andijon-pfc.uz сайти.
