Тошкентда ўқув-машғулот йиғинини ўтказаётган «Қизилқум» бугун иккинчи назорат учрашувини ўтказди.

Термизнинг “Сурхон” жамоасига қарши кечган беллашувда намвоийликлар ишончли ғалабани қўлга киритишди. Беллашувнинг 38-дақиқасида Жасур Холтўраев собиқ жамоадошлари дарвозасини аниқ нишонга олган бўлса, орадан кўп ўтмай жамоа сардори Шерали Жўраев орадаги фарқни иккитга оширди.

Иккинчи бўлим ўрталарида термизликлар 11-метрлик жарима зарбасидан ҳисобни қисқартирган бўлишса, ўйиннинг сўнгги сонияларида захирадан майдонга тушган Илҳом Ваҳобов беллашувга якуний нуқтани қўйди — 3:1.

Тошкент йиғини давомида «Қизилқум» навбатдаги назорат учрашувини 27 январь куни Самарқанднинг “Динамо”сига қарши ўтказади.

Назорат учрашуви.
“Қизилқум” – “Сурхон” 3:1
Тошкент вилояти. Аҳмад Яссавий қўрғони стадиони.
Бош ҳакам: Раҳимбек Каримов.
Голлар:  Жасур Холтўраев (38), Шерали Жўраев (43), Илҳом Ваҳобов (90) - Камронбек Саидазимов (64-пен).
“Қизилқум”: Ж. Илёсов, Ж.Содиқов, О.Толмасов, С.Шукруллаев, А.Маматхўжаев, Ш. Туропов, А. Саноев, Д.Анваров, Ш.Жўраев, Д.Раҳматуллаев, Ж.Холтўраев.
Захирадан майдонга тушганлар: Азизбек Усмонов, Ойбек Нурматов, Ислом Тошпўлатов, Илҳом Ваҳобов, Николай Тарасов, Мурод Раҳматов, Салоҳиддин Турсунов.