"Бенфика" Энцо Фернандес борасида "Челси" билан музокараларда ён бермоқчи эмас.

Португалия клуби "Челси" билан ярим ҳимоячининг трансфери борасида музокаралар олиб бормайди.

Tyc Sports журналисти Сезар Луис Мерлонинг бир қанча манбаларга таяниб хабар беришича, аргентиналик футболчининг трансфери учун ягона имконият - 120 миллион евро миқдоридаги товон пулининг фаоллаштирилиши.

Журналист Фабрицио Романо бу маълумотни тасдиқлайди ва "Бенфика" ва "Челси" ўртасидаги Энцонинг трансфери бўйича сўнгги алоқалар тахминан бир ҳафта олдин бўлганини қўшимча қилади. Шунингдек Лиссабон клуби яна Фернандес 120 миллион евро товон пули тўлаган тақдирдагина кетишини эълон қилди.

Қайд этилишича, "Челси" ҳали 22 ёшли ярим ҳимоячини трансфер қилиш бўйича расмий таклифлар билан чиқмаган.