"Барселона" "Реал" ярим ҳимоячиси Марко Асенсиони ўз сафига қўшиб олиш учун таркибда катта ўзгаришлар қилишга тайёр, деб хабар беради Mundo Deportivo.

Манбага кўра, каталонияликлар Усмон Дембеле, Рафинья ёки Ферран Торрес билан хайрлашиши мумкин - қанот ҳужумчилари Асенсионинг позициясида тўғридан-тўғри рақиблари ҳисобланади.

Асенсионинг юқоридаги футболчилардан устунлиги, "Барса" раҳбариятининг фикрича, футболчи босимга дош бера олади. Бундан ташқари, клуб уни туғма етакчи деб билади.

27 ёшли Асенсионинг "Реал" билан шартномаси 2023 йилнинг ёзида якунига этади. Жорий мавсумда у клуб сафида 22 та ўйинда майдонга тушиб, 3 та гол урди ва 5 та голли узатмани амалга оширди.