Ўзбекистон ўсмирлар терма жамоаси бугун Гоа шаҳрида Ҳиндистон U17  термасига қарши иккинчи ўртоқлик учрашувини ўтказди. Унда Жамолиддин Раҳматуллаев шогирдлари йирик 3:0 ҳисобида ғалаба қозонишди.

Биринчи бўлимда ҳисоб очилмаган бўлса, 53-дақиқада Ойбек Ўрмонжонов 12 метрлардан аниқ зарба бериб, жамоамизни олдинга олиб чиқди.

67-дақиқада эса Қувончбек Абраев рақиб ҳимоячисининг хатосидан фойдаланиб жамоамизнинг иккинчи голини урган бўлса, орадан кўп ўтмасдан Абдулҳамид Турғунбоев бўш қолган дарвозани ишғол қилди.

Шу тариқа, икки аввалги мағлубият (0:2) учун ўсмирларимиз реванш олишди.

Ўртоқлик учрашуви
Ҳиндистон U17 - Ўзбекистон U17 - 0:3 (0:0)
Голлар: Ойбек Ўрмонжонов (53ʼ), Қувончбек Абраев (67ʼ), Абдулҳамид Турғунбоев (75ʼ).