Уэльс терма жамоасининг собиқ ҳужумчиси Гарет Бэйл бор эътиборини севимли спорт турига қаратди.
"Реал"нинг собиқ футболчиси Гарет Бэйл футболчилик фаолиятини якунлагани эълон қилинганидан атиги икки ҳафта ўтиб, майдонга қайтади, лекин футбол майдонига эмас. Инстаграмда у профессионал ўйинчилар билан бирга гольф турнирида иштирок этишини эълон қилди.
"Кейинги ой бошида AT&T Pebble Beach Pro-Am турнирида иштирок этишимни мамнуният билан эълон қиламан!" - дейилади хабарда.
"Реал"нинг собиқ қанот ярим ҳимоячиси ҳеч қачон гольфга бўлган иштиёқини яширмаган, бунинг учун у Мадрид жамоаси мухлислари томонидан бир неча бор танқид қилинган. Ўтган йилнинг февраль ойида уэльслик собиқ футболчи таниқли гольф клуби Royal&Ancient элчиси бўлди.
Бэйл аллақачон профессионаллар ва ҳаваскорлар ўртасидаги турнирларда қатнашишга улгурди, бироқ собиқ футболчи биринчи марта фақат профессионаллар билан тўқнаш келади. Турнир 2-5 февраль кунлари Калифорнияда бўлиб ўтади. Гарет Бэйл 9 миллион доллар мукофот жамғармаси учун курашади.
