Calciomercatoweb сайти хабарига кўра, "Челси" Лиссабоннинг "Бенфика" клубига ярим ҳимоячи Энцо Фернандес учун янги таклиф билан чиқди.
Қайд этилишича, лондонликлар аргентиналик футболчи учун 100 миллион евро, шунингдек, марокашлик футболчи Ҳаким Зиешни таклиф қилади. "Бенфика" аввалроқ "Челси"нинг Фернандесни қўлга киритишга уринишларини рад этганди. Аргентиналик учун товон пули 120 миллион евро қилиб белгиланган.
Эслатиб ўтамиз, Фернандес Аргентина терма жамоаси таркибида 2022 йилги жаҳон чемпиони бўлганди. Турнирнинг энг яхши ёш футболчиси сифатида ҳам эътироф этилди. Фернандес жорий мавсумда “Бенфика” сафида 28 та ўйинда майдонга тушиб, 4 та гол урди ва 6 та голли узатмани амалга оширди.
