Германия терма жамоасининг собиқ дарвозабони Харальд Шумахернинг фикрича, Мануэль Нойер бор эътиборни фақат клуб ўйинларига қаратиши керак. Чунки, терма жамоада ёш дарвозабонларга йўл бериш керак. Шу тариқа, Нойерда жуда узоқ фаолият учун имконият бўлади.
"Агар мен Нойернинг ўрнида бўлганимда, терма жамоада ёшларга имкон берган бўлардим. Терма жамоада ўйнасанг юк икк марта ортади ва жароҳат олиш хавфи юқори бўлади... Сабаблари жуда кўп.
Ўйлайманки, у ҳам шундай қарорга келади ва 40 ёшгача ўйнайди. Дино Зофф билан ҳам шундай бўлган. Ёш улғайган сари жароҳатлардан тикланиш учун кўпроқ вақт керак бўлади" - деди Шумахер.
