"Арсенал" ярим ҳимоячиси Гранит Жака жамоа бош мураббийи Микель Артета ҳақидаги фикрлари билан ўртоқлашди.
"Ўтган мавсумда биз дастлабки учта ўйинда мағлуб бўлдик. Баъзи одамларнинг сабр-тоқати аллақачон тугаган. Аммо энди мураббийга вақт берсангиз нима бўлишини кўряпмиз. Ахир бу унинг бош мураббий сифатидаги илк тажрибаси. У ўзгача. Фаолиятим давомида кўплаб мураббийлар билан ишлаганман, лекин Артета каби мураббийларни ҳеч қачон учратмаганман. У кунига 24 соат футболга эътибор қаратаётганга ўхшайди. Унинг ҳар доим А, Б режалари ва ҳатто З-режаси бор. У нафақат футбол стратеги, балки инсон сифатида ҳам энг зўрдир", - деди ярим ҳимоячи Goal билан суҳбатда.
Артета "Арсенал"ни 2019 йилдан бошқариб келмоқда. Унинг қўл остида Лондон жамоаси Англия кубоги ва Суперкубокни қўлга киритди.
"Арсенал" ҳозирда 50 очко билан АПЛ турнир жадвалида пешқадамлик қилмоқда.
