Испаниянинг "Кадис" клуби "Лацио" билан ярим ҳимоячи Гонсало Эскалантени ижарага олиш борасида келишувга эришди.
Ижара жорий йилнинг июнь ойи охиригача мўлжалланади.
Келишув агар "Кадис" Ла Лигада қолса, футболчини сотиб олиш имкониятини кўзда тутади. 18 турдан кейин жамоа 19-ўринни эгаллаб турибди.
29 ёшли футболчи аллақачон тиббий кўрикдан ўтган ва жамоа билан машғулотларга киришган.
Эскаланте мавсумнинг биринчи ярмини "Кремонезе" сафида ижара асосида ўтказди. У 10 учрашувда 1 та голли узатмани амалга оширди.
