"Барселона" ярим ҳимоячи Гавини асосий таркиб футболчиси сифатида рўйхатдан ўтказиш ишларини давом эттирмоқда.
Sport хабарига кўра, каталонияликлар Гавини рўйхатдан ўтказиш учун барча керакли ҳужжатларни Ла Лига рахбариятига юборди. Клуб футболчининг асосий жамоа билан шартномасини расмийлаштириш ва 6 рақамни олиши бўйича бугун ёки эртага Ла Лигадан ижобий жавоб кутмоқда.
Эслатиб ўтамиз, 18 ёшли хавбек яқинда "кўк-анорранглилар" билан 2026 йилгача шартнома имзолаганди. У жорий мавсум жамоа сафида 26 та ўйинда 1 та гол уриб, 5 та ассистентлик қилди.
Маълумот ўрнида каталон клубининг айни вақтдаги бош мураббийи Хави ҳам жамоа сафида 6-рақамда тўп сурган.
