Узоқ танаффусдан кейин "Актобе" Премьер-лига мусобақасида учрашувни ўтказди. Улуғбек Бақоевнинг "Иртиш" клуби Актобе шаҳрига меҳмон бўлиб келди.
Ўзбек "трои"си асосий таркибда майдонга тушди, Бақоев ҳам бу борада четда қолмади. Ягона гол ўйин тақдирини ҳал қилди.
Ўйиндан матнли онлайн трансляция олиб борган "Актобе" клуби сайти урилган гол ҳақида қуйидагича ёзди:
"82-дақиқа. ГООООООООООООЛЛЛЛЛЛ!!! Барчасини Кападзе ва Гейнрих амалга оширди! Гейнрих Кападзега чиройли пас берди. У зарба берди, дарвозабон қайтарди! Кападзе охиригача борди ва яна зарба бериш ўрнига тўпни бош билан олдинроққа узатди. Лисенков эса йиқилаётиб бош билан дарвозани ишғол қилди. Баракалла йигитлар! Супер-комбинация бўлди!"
Лисенков биринчи бўлимда Марат Бикмаевнинг пасидан кейин 100 фоизлик имкониятдан фойдалана олмаганди. Марат жарима зарбаларини хавфли тарзда амалга оширди. 76-дақиқада Бикмаев ўз ўрнини жамоадошига бўшатиб берди. Ўз навбатида Бақоев ҳам гол уриши мумкин эди, аммо мезбонлар дарвозабони тўпни майдон ташқарисига чиқариб юборди.
Кападзе, Гейнрих ва Бақоев ўйиннинг охиригача ҳаракат қилишди.