Бугун Россия Премьер-лигасининг навбатдаги тури учрашувлари ўтказилди.
Москванинг ЦСКА жамоаси бир қатор омадсизликлардан сўнг ўзига келмоқда дейиш мумкин. Армиячилар бу турда сафарда премьер-лига дебютанти “Мордовия”ни йирик ҳисобда мағлубиятга учратишди.

Москванинг бошқа бир жамоаси “Динамо” эса инқироз кўчасидан ҳамон чиқа олмаяпти. Кечагина “Динамо”га янги бош мураббий этиб тайинланган Дан Петрескунинг дебюти омадсиз чиқди.

“Динамо” бу сафар ўз майдонида Грознийнинг “Терек” клубига имкониятни бой берди.
Бу мағлубият “Динамо”нинг кетма-кет бешинчи мағлубиятидир. Жамоа ҳамон турнир жадвалининг сўнгги ўринида бормоқда.

Мордовия (Саранск) – ЦСКА (Москва) – 0:3
Голлар: Тошич, 30 (0:1); Дзагоев, 41 (0:2); Цауня, 57 (0:3).

Динамо (Москва) – Терек (Грозный) – 1:2
Голлар: Рыбусь, 30 (0:1); Джуджак, 75 (1:1); Рыбусь, 83 (1:2).

Огоҳлантиришлар: Юсупов, 58; Кураньи, 59 – Ндуассель, 27; Рыбусь, 78.
Четлатиш: Рыков, 81; Кураньи, 90+3 – Ндуассель, 54.