Испания Ла-лигасининг дастлабки туридадоқ тарихга кирадиган бир ўйин билан бошланди. "Атлетик Билбао" ўз уйида "Реал Бетис"ни қабул қилди.

Рубен Кастро, Хорхе Молина ва Эчеварриаларнинг голлари эвазига "Бетис" клуби сафарда ўйнаётган бўлса-да, 3-0 ҳисобида олдинга чиқиб олди. Биринчи тайм шу ҳисобда ниҳоясига етди. Иккинчи таймда майдон эгалари ажойиб ирода намойиш этиб, ҳисобни 3-3 қилишнинг уддасидан чиқишди.

Ҳа, 76-дақиқада "Атлетик Билбао" ҳисобни тенглаштирди. Аммо "Бетис" футболчилари бундан тушкунликка тушишмади. Улар сўнгги 10 дақиқа ичида яна иккита гол киритиб, ғалабани тантана қилишди.

АТЛЕТИК — БЕТИС 3:5 (0:3)
Голлар: Рубен Кастро, 7 (0:1). Хорхе Молина, 26 (0:2). Эчеварриа, 31 (0:3). Де Маркос, 47 (1:3). Сан Хосе, 67 (2:3). Сан Хосе, 76 (3:3). Посуэло, 80 (3:4). Хорхе Молина, 86 (3:5).