The Sun нашри хабарига кўра, Фрэнк Лэмпард "Эвертон"дан истеъфога чиқарилганидан кейин мураббийлик фаолиятида танаффус қилишни режалаштирмаяпти.
Манбанинг хабарига кўра, 44 ёшли мутахассис нафақат Премьер-лига, балки Буюк Британиядан ташқари клублардан ҳам таклифларни тинглашга тайёр.
23 январь куни "Эвертон" Лэмпарднинг клуб бош мураббийлигидан истеъфога чиққанини эълон қилди. "Челси"нинг собиқ футболчиси ва мураббийи ўтган йилнинг январь ойида клубни қабул қилиб, 2024 йилнинг ёзига қадар шартнома имзолаган эди.
Бу Лэмпард иккинчи марта мавсум ўртасида истеъфога чиқарилиши. Биринчи марта 2021 йилнинг январида "Челси"дан истэфога чиқарилган эди.