Афсонавий португалиялик мураббий Жозе Моуриньо 26 январь куни 60 ёшга тўлди ва мутахассиснинг айни вақтдаги клуби “Рома” Twitter'да видео орқали ўз менежерини туғилган куни билан табриклади.
Ўтган мавсумда "Special One" "Рома"ни 11 йил ичидаги биринчи совринига бошлаб борди ва бу мавсумда у А Серияда кучли тўртлик учун курашмоқда.
"Рома"нинг ижтимоий тармоқларида жойлаштирилган видеоси Моуриньонинг 2021 йилда пойтахтга келиши билан бошланади ва 2022 йил май ойида Конференциялар лигасида ғалаба қозониш байрами билан давом этади.
Моуриньо 2021-йилда "Жаларосси" билан уч йиллик шартнома имзолаган. Бунгача португалиялик мутахассис "Тоттенхэм", "Манчестер Юнайтед", "Реал", "Интер", "Челси", "Порту" ва бошқа клубларда ишлаган.
