"Реал" ҳужумчиси Криштиану Роналду Испания чемпионатининг 1-турида "Валенсия" билан ўйинда (1:1) унчалик омадли келмаган стартни изоҳлаб берди. Унинг сўзларига қараганда, жамоа ҳали яхши спорт формасига кириб улгурмаган экан.
"Жамоанинг жисмоний ҳолати ҳали яхши эмас. Бу нормаль ҳолат, биз албатта жисмоний ҳолатимизни тобига келтирамиз.
Дуранг натижа яхши бўлмади. Биз ғалаба учун барчасини қилдик, кўплаб вазиятлар бўлди, аммо ғалаба қозониш насиб этмади", - дея Роналдунинг сўзларини келтиради "Реал" расмий сайти.
