Франция чемпионатининг иккинчи турида "Аяччо" билан ўйинда жароҳати сабаб жамоасига ёрдам бера олмаган "ПСЖ"нинг Швециялик ҳужумчиси Златан Иброҳимович "Бордо"га қарши 3-тур ўйинини ҳам ўтказиб юборади.

Француз клуби мураббийлар штаби футболчининг жароҳатини оғирлаштириб юбормасликни маъқул кўрмоқда, дея хабар беради француз матбуоти.

Иброҳимович сешанба кунидан бошлаб алоҳида ҳолда машғулотга киришади ва якшанба кунги ўйинга тайёр бўлиши мумкин. Аммо "ПСЖ" таваккал қилишни истамаяпти ва футболчи тайёр бўлмаса, ҳужум чизиғидаги вариантларни қўлламоқчи.