Франциянинг “Лион” клуби қишки трансфер ойнасида етакчиси Райан Шеркини сотмасликка қарор қилди. Бу ҳақда L'Equipe нашри хабар бермоқда.
Манбага кўра, "Лион" "ПСЖ"дан қизиқиш ва таклиф бўлишига қарамай, ҳужумчини қўйиб юбормасликка қарор қилди. Шерки парижликлар “Вулверхэмптон”га ўтиб кетган Пабло Сарабиа ўрнига ўринбосар сифатида кўрилаётганди.
Шерки 19 ёшда. У "Лион" битирувчиси ва нафақат Франция, балки Жазоир фуқаролигига ҳам эга. Райан 2020 йилдан буён "Лион"нинг асосий жамоасида ўйнаб келмоқда. Жорий мавсумда Шерки Лига 1 ва Франция кубогида 18 та ўйин ўтказиб, битта гол урди ва 3 та голли узатмани амалга оширди.
