"Реал" ярим ҳимоячиси Дани Себальос ўзининг формаси ҳақида ўз таассуротлари билан ўртоқлашди.
Эслатиб ўтамиз, Испания кубоги доирасидаги "Вильярреал"га қарши ўйинда захирадан майдонга тушганидан сўнг ярим ҳимоячи бир гол ва голли узатмани амалга оширди ва бунинг эвазига кетма-кет икки марта "Қироллик клуби"нинг асосий таркибида майдонга тушди.
“Реал"да энг яхши икки ҳафтани ўтказдим. Ниҳоят, мен керакли етуклик даражасига ва керакли ритмга эришдим. Энди мен қаттиқ ишлашда давом этишим керак", - деди Себальос Madrid Xtra билан суҳбатда.
Сўнгги пайтларда "Реал" футболчининг сўнгги ўйинлари фонида Себальос билан тугайдиган шартномасини узайтирмоқчи экани ҳақида миш-мишлар тарқалди.