"Манчестер Сити" Англия чемпионати пешқадами Лондоннинг "Арсенал" клубини Англия кубогидан чиқариб юборишга муваффақ бўлди, турнирнинг 1/16 финалидаги қарама-қаршиликда Хосеп Гвардиола шогирдлари минимал ҳисобда ғалаба қозонишди. Бу ўйинда шаҳарликлар жамоасининг ягона голи Натан Аке томонидан киритилди ва у жамоа устозининг алоҳида олқишига сазовор бўлди.
"У қандай мавсумни ўтказмоқда! У ҳозирда Премер-лиганинг энг яхши ўйинчиларидан бирига қарши яхши ўйнади, чунки Сака ҳозир ўйинда. У ҳимояланишда ва ҳужумларни бошлашда жуда яхши. У йўқ бўлганда, биз уни жуда соғиндик", - дея Гвардиоланинг сўзларидан иқтибос келтиради BBC Sport.
