«Манчестер Юнайтед»нинг бразилиялик ярим ҳимоячиси Фред жамоаси жорий мавсумда соврин ютишига умид билдирди.
«Ўйлашимча, «Манчестер Юнайтед» либосида жуда кўп ўзига хос лаҳзалар бўлган. Афсуски, биз ҳали кубокни қўлга киритмадик, аммо бу мавсумда содир бўлишига ишончим комил», - дея Фреднинг сўзларини келтиради UtdPlug.
«Манчестер Юнайтед» 39 очко билан АПЛ турнир жадвалида 4-ўринда бормоқда.
Англия Лига кубогида «Манчестер Юнайтед» ярим финалга чиқди, унда «Ноттингем Форест» жамоаси билан икки марта тўқнаш келди. Биринчи ўйин 25 январь куни бўлиб ўтган ва 3:0 ҳисобида манчестерликлар фойдасига ҳал бўлганди. Жавоб ўйини 1 февраль куни «Олд Траффорд»да бўлиб ўтади.
