Николас Тальяфико ЖЧ-2022 финалидан кейин Эмилиано Мартинеснинг хатти-ҳаракатларини баҳолади.
Аргентина пенальтилар сериясида Францияни мағлуб этиб, учинчи бор жаҳон чемпиони бўлди. Турнирнинг энг яхши дарвозабони совринини олаётган 30 ёшли Мартинес «Олтин қўлқоп» билан ғалати хатти-ҳаракатлар қилди.
Шунингдек, у ўйиндан сўнг Аргентинадаги байрамлар чоғида «ПСЖ» ва Франция терма жамоаси ҳужумчиси Килиан Мбаппени бир неча бор тролл қилди.
«Жаҳон чемпионатида ғалаба қозониш каби жуда муҳим нарсага эришганингда, ҳис-туйғулар портлаши содир бўлади, адреналин тарқалади. Бу одамнинг ўзини ғалати тутишига олиб келиши мумкин ва мен Мартинеснинг хулқини нормал баҳолайман», — деди Тальяфико.
