"ПСЖ" бош мураббийи Кристоф Галтье ҳужумчи Килиан Мбаппенинг вице-сардор этиб тайинланиши ҳақидаги хабарларга изоҳ берди.
“Мбаппе вице-сардорми? Бу ОАВнинг хатоси. Тўғри, у вице-сардорлардан бири. Аммо бизда ундай футболчилардан тўртта бор: Мбаппе, Рамос, Кимпембе ва Верратти", - деди Галтье.
Мбаппе 5 та гол урган Франция кубоги ўйинидан сўнг мураббий Мбаппе вице-сардор этиб тайинланганини айтди, бунга клубнинг баъзи мухлислари кескин муносабат билдиришди, ҳимоячи Преснел Кимпембе эса ижтимоий тармоқларда бу ҳақда биринчи бўлиб билганини ёзди.
