"Брайтон" қишда Мойсес Кайседони қандай шароитда сотиши мумкинлиги маълум бўлди.

Эслатиб ўтамиз, аввалроқ клуб "Челси" ва "Арсенал" қизиқиш билдираётган ярим ҳимоячини қишки трансфер ойнасида қўйиб юбориш ниятида эмаслиги ҳақида хабар берилганди. Футболчининг ўзи аллақачон жамоа билан хайрлашиб, машғулотларни ўтказиб юборган.

"Брайтон" футболчининг ижтимоий тармоқлардаги баёнотига салбий муносабат билдирди, бироқ у буни вакилларининг маслаҳати билан қилганига ишонмоқда. Independent нашри хабарига кўра, клуб Кайседони январь ойида 90 миллион фунт стерлинглик таклиф олсагина сотишга тайёр.

Аввалроқ, “чағалайлар” ярим ҳимоячини “Арсенал”га 60 миллион фунт стерлингга сотишдан бош тортгани ҳақида хабар берилганди.

Кайседо жорий мавсумда Премьер-лигада 18 та ўйинда майдонга тушиб, 1 та гол урди ва 1 та голли узатмани амалга оширди.