Англиялик мутахассис Шон Дайч клуб бош мураббийлигига тайинланишидан аввал "Эвертон" клуби базасига етиб келди. Бу ҳақда Sky Sports News нашри хабар бермоқда.
Дайч "Бёрнли"да 10 мавсум ишлади ва 2022 йилнинг апрелида жамоани тарк этди. 2016 йилда англиялик мутахассис жамоани Чемпионшипда ғолиблик сари етаклаб келди ва "Бёрнли"ни АПЛга олиб чиқди.
Эслатиб ўтамиз, 2023 йилнинг январида "Эвертон" аввалги бош мураббий Франк Лэмпардни истеъфога чиқарганини эълон қилган эди. Клуб бу мавсумда АПЛ турнир жадвалида 19-ўринда бормоқда. Жамоа 20 ўйиндан сўнг 15 очко жамғарган. 4 февраль куни “Эвертон” АПЛ пешқадами Лондоннинг “Арсенал” клубини қабул қилади.
