Мадриднинг “Атлетико” клуби бош мураббийи Диего Симеоне келажаги ҳақида гапирди.
"Менинг шартномам кўп жиҳатдан бу мавсумни қандай якунлашимизга боғлиқ. Ҳар мавсум охирида биз йиғилиб, қандай давом этишни баҳолаймиз. Ва бу йил ҳам бундан мустасно бўлмайди.
Ҳамма нарса сиз ўйлагандан кўра бироз мураккаброқ. Мавсум охирида нима бўлишини билиб оласиз", - дея жавоб берди аргентиналик мураббий журналистларга клубдан кетиши мумкинлиги ҳақидаги саволга.
Мадридликлар айни дамда Испания чемпионатида пешқадам “Барселона”дан 16 очко ортда қолиб, 4-ўринда бормоқда.
