"Наполи" бош мураббийи Лучано Спалетти "Рома"га қарши ўйин олдидан Жозе Моуриньони табриклади. Бир неча кун олдин португалиялик мураббий 60 ёшга тўлди.
“Моуриньони туғилган куни билан табриклайман. Мени таклиф қилмаганидан хафа бўлдим. Мен унга совға билан келган бўлардим! У жаҳон футболи савиясини кўтарган инсонлардан бири. Шунинг учун мен Жозени табриклайман ва унга энг яхши тилакларимни тилайман" - деди Спалетти матбуот анжуманида.
Эртага, 29 январь куни А Сериянинг 20-турида “Наполи” ва “Рома” учрашуви бўлиб ўтади.