"Барселона" ярим ҳимоячиси Педри Испания Ла Лигасининг 19-тури доирасидаги "Жирона"га қарши ўйинда (1:0) урган гол ҳақида фикр билдирди, шунингдек, "кўк-анорранглилар"нинг сўнгги ўйинларидаги вазиятлардан фойдалана олмаётгани ҳақида гапирди.
"Улар доим менга гол уришга ҳаракат қилишим кераклигини айтишади ва ҳозир улар ҳақ. Менда гол уриш учун шундай имконият борлигидан жуда хурсандман. Мен ярим ҳимоячи бўлсам ҳам, тўп билан кўп алоқада бўлиш менга қулайроқ, аммо ҳужумда ҳамма гол уришни яхши кўради. Мен ўз ҳиссамни қўшишга ҳаракат қиламан.
Сўнгги ўйинларда вазиятларни голга айлантириш билан боғлиқ муаммолар борми? Сўнгги ўйинларда ҳужумларни якунлашда жуда ёмон ҳаракат қилдик ва бу бизга жуда қимматга тушди. Шунингдек, гол ўтказиб юборган жамоа ҳисобни тенглаштириш учун олдинга боради. Ўз майдонида мухлислар уларни олдинга олиб чорлашади ва ҳамма нарса бўлиши мумкин", - деди Педри Sport.es билан суҳбатда.
