Журналист Девид Орнштейннинг хабар беришича, "Лестер" "Лидс" вингери Жек Харрисонни ўз сафига қўшиб олмоқчи.
Ўтган ҳафтада "тулкилар" 26 ёшли футболчи учун 20 миллион фунт таклиф қилганди. "Лидс" ҳозир футболчини сотиш ёки у билан янги шартнома бўйича музокаралар олиб бориш ҳақида ўйламоқда.
Харрисоннинг ўзи ҳам эҳтимолий трансфер борасида қандай фикрда эканлиги аниқ эмас.
Қанот ҳужумчисининг амалдаги шартномаси 2024 йилнинг июнида якунига етади. "Лидс" бош мураббийи Жесси Марш аввалроқ футболчи билан янги шартнома имзолашдан манфаатдор эканини айтганди.
Харрисон 2018 йилнинг июнидан буён “Лидс” сафида 185 та ўйинда майдонга тушиб, 29 та гол урди ва 28 та голли узатмани амалга оширди.
