"Рома" ҳимоячиси Крис Смоллинг жамоани тарк этиш истагини билдирган, дея хабар беради журналист Алессио Алаимо.
Томонлар 33 ёшли англияликнинг шу ёзда тугайдиган шартномасини узайтириш борасида келиша олишмаяпти, шу боис у қишда кетиши ҳам мумкин.
"Рома" Смоллингни "Манчестер Юнайтед"дан 2020 йил октябрь ойида 15 миллион еврога сотиб олганди.
Футболчи “бўрилар” сафида 121 та ўйинда майдонга тушиб, 10 та гол ва 4 та голли узатмага муаллифлик қилган.
Аввалроқ футболчига "Интер" ва "Ювентус" қизиқиш билдираётгани ҳақида хабарлар тарқалган эди.
