"Интер" Милан Шкриньярнинг "ПСЖ"га ўтиши учун унинг ўрнига ҳимоячилар қидирмоқда.
Журналист Жанлука Ди Марционинг фикрича, агар 27 ёшли футболчи қишда парижликларга сотилса, унинг ўрнига “нерадзуррилар” “Манчестер Юнайтед”да тўп сураётган Виктор Линдёлофни қўлга киритишга ҳаракат қилиши мумкин. Шу билан бирга, миланликлар уни ижарага олмоқчи, "МЮ" эса бундай битим форматига қизиқмаяпти.
"Интер" шунингдек "Лилль" ҳимоячиси Тиагу Джалога қизиқиш билдирмоқда, аммо французлар уни қишда қўйиб юбориш ниятида эмас. Яна бир вариант - "Рома"дан Крис Смоллинг, аммо у тактик схемага унчалик мос келмайди.
Шкриньяр 2023 йилнинг ёзидан кечиктирмай "ПСЖ"га ўтиши хабар қилинганди, бироқ парижликлар уни қишда сотиб олишга ҳаракат қилишмоқда.
