“Манчестер Юнайтед” Англия кубоги 1/16 финалида “Рединг”ни 3:1 ҳисобида мағлуб этиб, Англиядаги нуфузли турнирнинг кейинги босқичига йўлланмани қўлга киритди.
"Манчестер Юнайтед" сардори Гарри Магуайр ўйин воқеалари ҳақида фикр билдирди, унинг фикрича, жамоа ҳақли равишда ғалаба қозонди.
"Бизда кўп имкониятлар бўлди. Танаффусда бизга сабр кераклигини ва гол уришимиз шарт эканлиги ҳақида гаплашдик" - деди Магуайр BBC Sport билан суҳбатда.
Эслатиб ўтамиз, "Манчестер Юнайтед" ўн икки марта Англия кубогини қўлга киритган, охирги марта бу 2016 йилда содир бўлган, ўшанда клубни португалиялик мутахассис Жозе Моуриньо бошқарган.
