"Вильярреал" "Блэкберн" ҳужумчиси Бен Бреретонни текинга ўз сафига қўшиб олмоқчи, дея хабар беради журналист Николо Скира.

23 ёшли чилилик футболчи испан клуби билан 2027 йилга қадар шартнома имзолайди.

Бреретон “Блэкберн” сафида 2018 йилнинг августидан буён тўп суради ва шу вақт ичида у 158 ўйинда 41 та гол урди ва 16 та голли узатмани амалга оширди.

Ўтган ёзда "Ницца" футболчининг трансферига 10 миллион евро таклиф қилган, бироқ клублар келиша олмаганди.

Жорий мавсумда футболчи 31 учрашувда 10 та гол ва 4 та голли узатмани амалга оширди.