"Барселона" бош мураббийи Хави Усмон Дембеле жароҳатидан сўнг ҳужумни кучайтиришни сўраган, бироқ клуб молиявий фейр-плей туфайли янги ўйинчи сотиб ололмайди, деб ёзади журналист Хави Мигель ўзининг ижтимоий тармоғида.
Манба берган хабарга кўра, франциялик футболчининг жароҳатидан сўнг “Барселона” устози директор Матеу Алеманидан ҳужумни кучайтириш мумкинми, деб сўраган. Директор Хавига молиявий фейр-плей қоидалари бунга йўл қўймаслигини айтди.
Франциялик футболчи Ла Лиганинг 19-тури доирасидаги "Жирона"га қарши учрашувда жароҳат олганди. Футболчи зудлик билан тиббий кўрикдан ўтди, кечқурун эса сон мушаклари жароҳати ҳақидаги маълумот тасдиқланди. ОАВ хабарига кўра, ҳужумчи 3-4 ҳафта ўтказиб юбориши мумкин.
