"Ювентус" ярим ҳимоячиси Мануэль Локателли "Реал"нинг қизиқишлари доирасига тушиб қолди. Унинг ҳамюрти, “қаймоқранглилар” бош мураббийи Карло Анчелотти италиялик футболчи билан шартнома имзоламоқчи.
Бу ҳақда Calciomercatoweb хабар бермоқда. Манбага кўра, Локателли учун Дани Себальос ва пул таклиф қилишга тайёр.
Локателли "Ювентус"да ижара асосида ўйнамоқда. У ҳуқуқий жиҳатдан "Сассуоло"га тегишли. Ижара муддати мавсум охирида тугайди, бироқ туринликлар маълум шартлар бажарилганда футболчи сотиб олиш имкониятига эга. Локателли жорий мавсумда барча мусобақаларда 22 ўйинда майдонга тушди.
