Бугун, 29 январь куни "Челси" футболчисига айланган "Лион" ҳимоячиси Мало Гюсто инглиз жамоасига ўтиш сабабини тушунтириб берди.
"Мен "Челси"ни танладим, чунки бу жуда катта клуб ва бу ерда қурилаётган катта лойиҳа менга жуда ёқди. Мен бу ерда эканлигимдан жуда хурсандман, шуни таъкидлайманки, менга Лондон ёқади", - деди Гюсто "Челси" матбуот хизматига.
19 ёшли Гюсто "Челси" билан 2030 йилгача шартнома имзолади, бироқ мавсумнинг қолган қисмини ҳозирги жамоасида ижара асосида ўтказади.
Мало Гюсто 2016 йилдан бери "Лион" таркибида ўйнаб келмоқда. Жорий мавсумда ҳимоячи Франция чемпионатининг 15 ўйинида майдонга тушди.
